Goreyê wezîrê PDK yê Wezaretê Çimeyanê Tebîîyanî Jîhad Şabanî ra, Îtalya û Almanya Herêma Kurdîstanî ra petrol îxracat kenê.

Xebera Basnewsî ra gore petrolê Kurdîstanî Tirkîya ser o vila beno bi Almanya û Îtalya. Şabanî ra gore 2,5 varîlî petrolî îxracat benê. Îxracatê petrolî resmî 22. gulane 2014 de dest kerd ci. Melumatan ra gore îhtîyacê Îtalya yo rojane 100.000 varîl ê, Almanya de nê 1 mîlyon varîl ê. Seba naye nê dewletî wazenê ke petrolo erjan ê Kurdîstanî biherînê. Mabênê Tirkîya û Ewropa de tayê pîpelîne (xêtî) estê, labelê petrol kî bi keştîyan neql beno.

Fîyatê rotişî goreyê pîyase mabenê 100 û 105 Dollarî seba yew varîl petrol o. Wezaretê Çimeyanê Tebîîyan ê Herêma Kurdîstanî ra gore heta nika 22 şîrketanê Ewropa û DYA muraceatê herînayîşê petrolê Kurdîstanî kerd.