Keyepel Teknolojî iPhone 5 vejîya

iPhone 5 vejîya

211
0

Şîrketo serfiraz ê teknolojî Apple telefonê xo yê destan o newe iPhone 5 vet. Bi haybetî Apple iPhone 5 21. êlule de kewt destê herînayoxan. No modelo newe de xeylê înovasyonî estê. Bi ekranê 4 înçan, cîldêde newe, teknolojîya LTE, kameraya 8 megapîkselan û xeylê taybetmendîyanê neweyan iPhone 5 reqebetê şîrketanê sey HTC û Samsungî keno.

Duştê fîyatê berzî de xeylê însanan verê keyberanê dikananê Apple de şewan vîyarnay ke hacetê Apple sey verên biherînê. Hîrê rojanê verênan de 5 mîlyonan ra zêde heyranan iPhone 5 herîna.

Apple iPhone 5 tenêna barî yo (18%), labelê ekranê xo tenêna derg ameyo viraştene. Çîpo ke zere der o, duştê modelanê bînan de tenêna hervî yo. Aye ra kî dot kapasîteyê bataryayê iPhone 5 tenêna pêt o (8 saetî qisey kerdene, 8 saetî Înternet de fetelîyayîş ya kî 10 saetî qayîtkerdişê vîdeoyan). Vîdeoyî bi kalîteyê 1080p HD yê.

iPhone 5 di rengan de yeno rotene: sipî û sîya.

(Resim: Apple)

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

CEWAB BIDE

Please enter your comment!
Please enter your name here