Keyepel Nuştoxî ra Alî Beytaş Îdîya Newrozî – Alî Beytaş

Îdîya Newrozî – Alî Beytaş

488
2

Verin   de zereyê mi ra çi êno ez ey vajî :  “Newroz  pêroyê  Kurdan rê bimbarek bo /pîroz bo.

Kurdan rê  nêteyna,  şarê ke  bawerîya xo bi Newrozî est a pêroyê  înan rê kî pîroz bo.

Ewroy ra dime derheqê  newrozî de zaf çî vatene qet luzim nêkena. Hîkayeya Newrozî, zereyê şarê Kurdî  de sey  jû  waştîye, bieşq   cayê xo  gureto. Newroz seba şarê Kurdî  endî  sey roja bîyayena  xo yo.  Dehaq  kam o, qava kam o şarê kurdî endî rind zano. Hîkayeya Newroz û hîkayeya  azadîya şarê kurdî kewta têmyan  û bîya roja  tekoşînî.

Ez êndî ne çîyê  nêvano. Vatena   en  rinde û en raşte  vatena  şarî  ya. Şar çi vajo rind vano, çi vajo raşt vano. Ma nîyadîme hela şarê Kurdî  deyîra xo de seba Newrozî  çi van o:

“…hela Newroz hela Newroz

Dolimê ne sed dolime to rê silam

Hela cejna sehîldana

Bimbarek û pîroz bo

“…”

Bimbarek bo na roja newîye

Wekerê adirê  Newrozî

Newroz seba ma bî dozê tarixe

 

Adirê Newrozî gur  wekerê

Waştenanê  xo  berz  veng kerê

Venga xort û  çênan/kênan dê

Wa roja newîye Pîroz bikerê

Kam şikîno ke  duştê nê vatenanê  zixman de çîyê vaj o. Tede  qet zure çîn a. Tede qet dîrûyîye çîn a. Her  çî sade û raşt o.

Kurdo ke bawerîya xo bi  xobîyayena xo   ano ,gere roja Newrozî  meydanan de bo. Dost û dişmen bizano ke ,Kurd dewa xora derbaz nêbeno û bimerdena  xo bo kî azadîya  xo wazeno.

Kotî bena wa bibe, eke uja  meydanê Newrozî  çîn o, wa zereyê to de bibo.

Alî BEYTAŞ

 

PARE BIKE
Alî Beytaş
Alî Beytaş serra 1956 de dewa Gimgimî Kûzike de ameyo dinya. Ey 1978 wendegehê maliman qedêna û dima new serrî sey malim Gimgim de xebitîya. Peyê cû Mersîn de 19 serrî gureya û uca xebatê sendikayan ra mektebanê cîya-cîyayan de malimîye kerde. Serra 2006 de teqawut bîyo. Alî Beytaşî kovaranê Vate, Şewçila, Tîroj û rojnameyê NewePelî de nuşt. Aye ra kî teber, yew kitabê xo bi nameyê "Şaîsmaîl" neşr bî.

2 ŞÎROVEYÎ

  1. NEWROZE XYER AMA CIMUNE MA SER AMA. PÖRE SARE KURDISTAN´RE NEWROZ BIMBAREK BO, PIROZ BO. HEQ JÜ ROZE MAREK JÜ DEWLETA XOSERE NASIP KERO.

CEWAB BIDE

Please enter your comment!
Please enter your name here