Hûmara 4. a “Wêje û Rexne”yî vejîya

Kovara “Wêje û Rexne ” ke Dîyarbekir de çar aşman de reyêk vejîna û mewûzyanê cigêrayîş, rexne û teorîyanê edebîyatî ser o vindena, bi hûmara xo ya çarine binê sernuşteyê “Wêje û Trawma I” de verê wendoxan der a.

Kovare sey hûmaranê verênan na humare de kî bi muhtewayêda dewlemende vejîya. Na fay, bi awirê analîtîk û rexneyî trawmaya edebîye ser o vindena û wazena no tesîr hinîke bişikno.

Na hûmare de new hebî nuşteyî û di hebî kî roportajl ke nînan ra yew kî kirmanckî (zazakî) yo, estê. Nuştox Mehmud Nêşiteyî reyde roportaj bi kirmanckî ameya viraştene. Remezan Alanî kî bi nuşteyê xo bi nameyê “Dengbêjî û Helbesta Gelêrî” ca girewto. Xulasa, 20 hebî nuşteyî na kovare de estê.

Kovara Wêje û Rexneyî de lehçeyê kurdkî awiran ancenê xo ser. Na kovare de 5 nuşteyê kirmanckî û nuşteyêk kî bi lehçeya sorankî ca gêno.

Nuşteyê bi kirmanckî (zazakî):

  • Ehmed Kirkan: Kirmanckî de Edebîyatê Dîyasporayî û Şîîra Malmîsanijî
  • Murad Aygun: Mehmûd Nêşîteyî Reyde Roportaj
  • Veysel Yildizhan: Bi Sembolzanî û Arketîpan Tehlîlê Sanika “Hîrê Çênêkê Feqîrî”
  • Mutlu Can: Tarîxê Sînema De Rêçê Verênî Yê Kurdan
  • Abdullah Çelîk: Yük û Wizîya Qelebalixî Hîkayeya Yusuf Atilganî Yük Ser O
DêrsimInfo
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

Must Read

video

Xoşebere: Tîyatroyê Kirmanckî “Arêyê Kayî”

Wusarî hona nêamebî, mi Munîh de afîşê kayê tîyatroyê kirmanckî (zazakî) dî. Arêyê Kayî. Va ke grûbe turê xu yê Almanya kena, sûke be...

Roşanê Zonê Kurdkî Fîraz Bo

Celadet Alî Bedirxanî serra 1932î de kovara Hawarî 15. gulane de vete. Kovara Hawarî de xeylê nuştoxanê erjayeyan sey Cegerxwin, Qedrî Can, Osman Sebrî,...

Nuştox Îlhamî Sertkayayî rê Mektuba Yakerdîye

Ma bixêr dî kekê Îlhamî, hona ke mi dest bi nuştena na mektuba xo nêkerdbî, ez zaf fikirîyaya ke ez na mektube gelo to rê...