Wextêk ra raver, Şingalî de pêşmergeyêde Rojawanî yew êzîdî kiştbî. Hemverê naye de kesî çiçî nêkerd û vengê xo zî nêvet. No serebût ra pey da-vîst rojî ravêrdî.

Rojê, yew êzîdî bi maşînaya xo asayîşê pêşmergeyanê Rojawanî ra ravêreno. Xora pêşmergeyê Rojawanî PDK ra beste yê, mabênê înan û êzîdîyan rind nîyo. Maşîna de hîrê tewreyê rizî estê. Êzîdî asayîşê pêşmergeyan de nêvindeno. Seba ke pêşmerge rizî ey ra megîrê, dano piro şino. Tîya hukmatê Kudîstanê Başûrî ambargo ronayo Şingalî ser. Pêşmerge zî danê peyê ê camêrdê êzîdî. Ramitoxê maşîna maşînaya xo rameno yeno heta nahîyeya Sinûnî. Kuçeyan ra gêreno, peyê ey de zî asayîş. Peynî de ramitox yeno sûke de vindeno. Pêşmergeyî yenê dorûverê ey gênê. Pêşmerge ê êzîdî desteser kenê dekenê maşînaya xo ya leşkerî. Êzîdîyî ser o teda kenê. Sûkî mîyan de wexto ke êzîdî nê çîyan vînenê, vanê: “Hol-hola Siltan Êzîdê Sor e.” Wexto ke êzîdî wina vanê, êdî kes nêşêno êzîdîyan ver de vindero. Pêroyê êzîdîyan hêriş kenê.

“Hol-hola Siltan Êzîdê Sor e.”

No serebût de zî êzîdîyan kerdibi hol-hol. Pêşmergeyanê Rojawanî ser hêriş kerdêne. Bi sî û kerran dabî piro. Wexto ke wina beno, pêşmergeyî remenê. Êzîdîyo ke desteser bibî, zî rayîrê xo vîneno remeno şino. Destê pêşmergeyan ra wina reyeno. Çend hebî êzîdîyî çekanê xo vejenê. Gule erzenê pêşmergeyan. Pêşmerge remenê dekewenê yew dikanî mîyan. Pey ra remenê şinê. Rojê dime ra, o asayîşê pêşmergeyanê Rojawan dest de yo, la pêşmergeyê Rojawanî ca de verdanê şinê. No serebût mojneno ke xopawitişê cewherî çiqas girîng o. Eke merdim waharê îrade û zanayîşî bo, bieşko xo rê rayîr fîno, bi pergal bikero, o wext çi hêzê kiştox, kontra, lêmin ûsn. nêşêno zor bido komelî ser. No serebût de na rastîye ameye vînayene.

Şarê ma yo êzîdî bi seyan serrî yo hertim binê destê dagîrkeran de mendo. Ê nêbîyê waharê îradeyî. Kam ameyo şîyo, hîna vêşî komelê êzîdîyan vila kerdo. Labelê wexto ke DAÎŞ Şingalî de jenosîd viraşt, o wext gerîlayanê PKK ameyî Şingal. Fermanê rayberê PKK bîyo: “Ganî gerîla êzîdîyan bipawo”. Yew taxim gerîla wextê jenosîdî de amebî koyê Şingalî, o wext ra tepîya game bi game êzîdîyî ameyê xo. Êdî her wext ra vêşî bawerîya înan bi xo esta. Êdî ê xo ra bawer kenê. Game bi game benê waharê îrade û fikrêde newe. Xo perwerde kenê, rayîr fînenê. Êyê ke êzîdî rotî, êyê ke jenosîdî rê ber akerd, êzîdî hemverê înan de benê waharê helwestî. Helwestê xo ronanê û duştê înan de vindenê. No zî seba şarê ma yo êzîdî çîyêde newe yo. Çîyêde fîraz o.

Êdî êzîdîyî xo ra bawer kenê

Mi ra gore, bi ronayîşê kantonê êzdîyan şarê ma yo êzîdî hîna vêşî do bieşko xo rê cuyade newa rono. Şarê ma hêzanê teberî ra çîyêk nêpaweno. Bawerî bi hêzê xo ano. Hêzê xo yê cewherî bingeh gêno. Zemînê têkoşînî weş kenê. Êdî êzîdî bi destê xo cuya xo virazenê. No zî seba şaro êzîdî çîyêde tewr fîraz o.

PARE BIKE
Azad Ararat
Azad Ararat serra 1969 de dewa Çêrmûge Hesto de ameyo dinya. Şeşserrîya xo de keyeyê ey bar kerd Rezana Amedî. Araratî uca de dest bi wendişî kerd. Hewtserrîya xo de şî Torbalîya Îzmirî, la tena besekerdo ke panc serrî biwano. Serra 1992 de şîyo Almanya, uca de sîyaset nas kerd û goreyê vatena xo “o dem bîyo şoreşger“. Pêro pîya new reyî cur bi cur perwerde dî. Serra 1994 de bî gerîla û vejîya koyanê Kurdîstanî ser. Şert û şurtanê zehmetinan de Azad Araratî caran fek wendiş û nuştişî ra veranêdayo. Serra 2013 de dest bi nuştişê kirmanckî kerdo. Heta ewro koyanê Kurdîstanî ser o kirmanckî museno û bi kirmanckî nuseno. Nuşte û şîîrê ey bi kirmanckî, kurmanckî û sorankî estê. Azad Ararat hîna gerîla yo û no taw Şingal de xizmetê Kurdîstanî der o.

CEWAB BIDE

Please enter your comment!
Please enter your name here