Serekê beledîyaya Şirnexî Remazan Uysal, yê Silopî Emîn Togurlu û yê Îdîlî Resul Sadak hetê dadgehêda Komara Tirkîya ra amey pêgirewtene. Ê hîrê sîyasetkaran ra pîya kî serekê BDP yê qezaya Silopî Bahattîn Alkişik ame pêgirewtene.

Bi operasyonê dewaya KCK ra heta nika 3.000 ra zêde sîyasetkarê kurdî hepisxaneyan der ê. Dadgehanê Tirkîya seveknayîşo huqûqî bi kurdkî qebul nêkerd û da zanayene ke mehkeme de her kes mecbur o ke tirkî qisey bikero. Serekê beledîya tede, ju (yew) hewte de Şirnex de 61 kesî amey pêgirewtene. Pêro şaristananê Kurdîstan û Tirkîya de ju (yew) hewte de 400 kurdî amey eştene bi hepisxane.

Hemsereka BDP Gulten Kişanak derheqê nê serebûtî de qisey kerd va ke “Ê wazenê ke pêro şaro kurd bierze zere. Weçînitiş ra tepîya na dewlete ju (yew) lîste viraşta ke 1.400 sîyasetkarê kurdî bêrê pêgirewtene. Nika ma hesab kenîme ke key na reqeme bena pirre. No taw 12.000 kesî semedanê terorî ra hepsî yê. Hetê ra ma ser o hêriş kenê, heto bîn ra kî qanûno bingeyî virazenê. Ma naye qebul nêkenîme û boykotê xo ra dewam kenîme.”

CEWAB BIDE

Keremê xo ra şîroveyê xo binuse
Keremê xo ra nameyê xo binuse