Keyepel Ekonomî Hewlêr: Vetişê petrolî bê asteng o

Hewlêr: Vetişê petrolî bê asteng o

382
0

Goreyê Wezaretê Maddeyanê Xaman ê Herêma Kurdîstanî ra, cengê duştê rêxistina terorîste Dewleta Îslamî (DÎ) de, tesîrê ey vetişê petrolî ser o çin o.

Duştê pêro texdîdanê cengî de, îxracatê Herêma Kurdîstanî bi zere û teberê welatî dewam benê. “Vetişê petrolî yê herêmeasteng o û pîyaseyanê zere û teberê welatî rê îxracat esto”, vilaweka wezaretî vana. “Eksê ci de, hukmatê Herêma Kurdîstanî vano ke şîrketê petrolî hewtanê verê ma de do produskîyonê xo hîna zêde bikerê. Ser o kî hîrakerdişê binawanîye goreyê planan ra do bikewo fealîyet.”

yew hewte ke Kurdîstanê Başûrî de pêşmerge û gerîlayî duştê çekdaranê DÎ de danê pêro. Vilaweke de yeno dayene zanayene ke “dişmenî” besenêkerd ekonomîya petrolî ya herême bixeripno. Labelê tayê cayê vetişê petrolî ke nêzdîyê cebheyî der ê, semedê asayîşî ra demkilm amey cadayene.

Aşma hezirane û temmuze de, badê ke artêşa Îraqî Neynewa û Kerkûk terk kerdbî, hukmatê Herêma Kurdîstanî nîya tayê warê petrolî yê neweyî girewtî xo dest. Boyna vilaweke de nîya vajîno: “Şîrketê petrolî hîna para xo ya produksîyon û hasilatê xebitnayîşê petrolî yê zereyê welatî cênê. (…) Wezaretê Maddeyanê Xaman bi îxracat û rotişê petrolî pê xêzê Ceyhanî dewam keno û pêro destek û sermayegozarîyan hetê şîrketanê petrolî ra weş vîneno.”

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.