Hamdî Ulukaya: Seba ke ez kurd a, mi Tirkîya caverdaye

591
0

Karsazê kurdî Hamdî Ulukayayî ke DYA de serra 2007 de şîrketê xo Chobanî nabî ro û nika karsazanê tewr serfirazan ê DYA ra yo. 

Yew roportajê xo bi CNN Money de, Ulukayayê dêrsimijî derheqê rewşa multecîyan de qisey kerd, bitaybetî derheqê multecîyanê kurdan de. Ulukaya vano ke o bi xo xeylê multecîyî ardî zereyê şîrketê xo û kar da înan ke ê ancîya bêrê xo ser û weşîya xo rast biciwîyê.

Eke semedê hetkarîya xo pers kenê, Ulukayayî cewab dano vano: “Mi Tirkîya caverdaye, çike ez kurd a û ez derheqê heqanê kurdan de ciddî bîya. Tirkîya de xeylê kurdî welatê xo teriknenê. Dewî ameyî bomba kerdene.”

Şîrketê Ulukayayî de ewro 1.200 karkerî gureyenê. Şîrketo ke Amerîka de tewr zaf mastî roşeno, Chobanî yo. Tayê sermayegozaran ra gore erja Chobanî ewro 5 mîlyar Dollarî ya.

 

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

CEWAB BIDE

Please enter your comment!
Please enter your name here