Keyepel Aktuel Hamdî Ulukayayî 2 mîlyonî $ da Kobanê

Hamdî Ulukayayî 2 mîlyonî $ da Kobanê

591
0

Xebera Hurrîyet Daîly Newsî ra gore, karsazo kirmanc û wayîrê şîrketê mastan “Chobani”, Hamdî Ulukayayî, seba Kobanê di mîlyon Dollarî dîyar kerd.

Ulukaya ke bi xo erzinganij o, no derheq de da zanayene: “Hetê sîyasî û kam kamcîn kay kay keno, mi eleqedar nêkenê. Ya ma qayîtî nê qetlîamî kenîme û bi barê wijdanê xo ciwînîme ya kî ma şarî xelesnenîme ra.” Serekê Chobani baldar kerd ke Kobanê binê tehlukeyê qirkerdişî der a. “Ardimê ma şono rêxistinanê sîvîlan ê a mintiqa. Ma hîna qerar nêda ke kamcîn weçînîme, la ma bi her kesê ucayî de qisey kenîme. Ser o kî ma wazenîme ke rêxistinê cayîyî biresê ma pê relief@chobani.com. Pêro muraceatî heta oktobre do analîz bibê.”

Boyna, Ulukayayî va ke o bi xo bêvengîya dinya rê mat mendo. “Bi xelatkerdişê xo ez hêvîdar a ke kesê bînî kî dest danê şarê Kobanê. Ez wazena ke her kes naye sey însanî bivîno.”

Hamdî Ulukayayî şîrketê xo yê mastan serra 2005 de nabî ro. Ewro ameyeyanê Chobanî 1 bîlyon Dollarî vîyarnay.

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

CEWAB BIDE

Please enter your comment!
Please enter your name here