Keyepel Aktuel Gerîlayê HPG û YJA-STAR raya Şengalî der ê

Gerîlayê HPG û YJA-STAR raya Şengalî der ê

657
2
(Resim: ANF)

Goreyê xebera Ajansê Xeberan ê Firatî (ANF) ra, badê vilaweka serdarê qerargeha HPG Murad Karayilanî ra ke PKK do mudaxeleyê Şengalî bikero, gerîlayê HPG û YJA-STAR kewt raya Şengalî ke pêşmerge û YPG ra pîya duştê çeteyanê Dewleta Îslamî (DÎ) de pêro bidê.

Melumatan ra gore gerîlayê HPG îşxalê Mûsilî ra dime amadekarîya seferberîye kerde. Nika, seba ke Şengal û bitaybetî kurdê êzîdîyî binê tehluke der ê, cengdarê Hêzanê Pawitişê Şarî (HPG) û Yewîya Cinîyanê Azadan (YJA-STAR) pîya kewenê raya Şengalî.

Şengal û dewanê ci de pêrodayîşî hîna dewam benê. Şar rema bi Koyê Şengalî ke uca sitare bivîno. Çi esto ke şertê koyî zaf çetin ê: çar rojî yo ke bi des hezaran însanî vêşan û têşan ê. Herêma Kurdîstanî ra hewa ra ardim yeno, labelê sewîyeya ardimî hîna bes nîya. Her roje xebera merdeyanê Koyê Şengalî yena.

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

2 ŞÎROVEYÎ

  1. Ez bîya zaf zerrîweş ke kurdî êdî pîya xebitênî, la persê mi esto: gelo badê ki PKK û pêşmerge eno lacî heran çete/terorîst fişt Kurdîstan ra, o dem se beno? Ma PKK nêbî ke va ma kurdistano xoser ney ma xoserîya demokratîk wazenî? Înşallah o wext ancî mabênî kurdan di ceng mevecîyo willayî terredutê mi estî…

  2. Siyaseta PKK kuto tewerte. Ju keso xo Kurdistan erzeno cop, labele gerillayeke nisene otobus sone Sengal reportaj de vane ke ma seba Kurdistan her cade dame pero. Herhal xebera ni gerillayi cineko, Kurdistan hete seroke inan amo cop estene. Nok mare musneno ke dewleta tirki sekeno bikero Kurdistan zerya Kurdan ra durri neseno. Reflekse u reaksiyone tebii ye Kurdan se qiseyi gerillaye kurdano. Qiseye iye bin hete dewleta tirki yeno vila kerdene. Ci hefyo ke deste dewlete tirki dergo, siyaseta u medyaye PKK de niya fkre u xebere qilerin yene nesr dayene. Endi waxt uyoke PKK siyaseta xoyo ke hete MIT AKP amo nusnayis terk kero u bikuyo siyaseta kurdan, zew peyniya inan qe rind neasena.

CEWAB BIDE

Please enter your comment!
Please enter your name here