Webwendoxê fîrmaya Mozîlla “Firefox” nika versîyono newe, varyanto 5. de vejîya pîyase. Tena hîrê aşmeyî ra ver Fîrefox 4 vejîyaybî, nika zaf çîp versîyono newe seba warantiş hazir o. Herçiqas ke teber ra her çî eynî aseno, wa bi versîyono newe Mozîlla dorê 1000 xetayê qijkekî (îngilizkî: bug) sîstem ra vetî.

Hetê teknîkî ra kî Fîrefox 5 kodê HTML5 gureneno û optîmîzekerdişê JavaScript destek keno. Henî keyepelî daha çîp benê ra. Tede kî fonksîyonê “Idle Connection Tuning” esto ke pê naye webwendox girêdayîşo tewr çîp bi pêşkêşkar (server) ra nano ro.

Fîrefoxo newe de 99% ê applîkasyonan, yanî “add-on”î, hîna benê. Beno ke tayîne rê versîyono newe lazim beno nê rojan de, labelê hema-hema pêro applîkasyonî tey rehet yenê xebitnayene. Eke ney kî, programê “Add-on Compatibility Reporter” ardim keno.

Warantişê Fîrefox 5 zaf asan o, merdim (mordem) dosyaya  setupî anceno (onceno) war, dima kî versîyono newe yeno bar kerdene – bê ke Fîrefox 4 pak bo, tena başêr beno. Yanî, eyar, şîfre û keyepelê wedariteyî manenê.

Fîrefoxî 5 kî jê (sey) versîyonanê verênan bi kurdkî esto. Lînkê warantiş (pêro zonî (ziwanî)): http://www.mozilla.com/en-US/firefox/all.html

3 ŞÎROVEYÎ

  1. Seba  webbrowseri Google crome hina rindo cike sey webbrowseri bini senik niyo.Google crome hina ziyed berz kar ano xebatnayis

Comments are closed.