Keyepel Teknolojî Fîrefox 4 Înternet Explorer derbaz kerd

Fîrefox 4 Înternet Explorer derbaz kerd

140
0

Varyanto newe yê webwendoxê Mozîlla “Firefox 4” hewteyo verên vejîya pîyaseyan û desinde webwendoxê reqabetê xo Mîcrosoftî “Internet Explorer 9” pey de verda. Fîrefox 4 ju (yew) roje de tam 4,7 mîlyonî reyî ame warantene, ÎE9 sirf 2,35 kesan ant war. Di rojan ra tepîya hûmara warantişî yê Fîrefoxî vejîya 7 mîlyonan.

Avantajê Fîrefox 4 zaf ê. Xebitnayox bi xo şikîno tema û muhtewaya webwendoxî, programî ûêb. weçîno û henî meylê xo ra gore Înternet de bicêro. Dorê 40 % yê Fîrefox 4 kî hetê xebitnayoxan ra ame viraştene. Hetê qewetî ra kî Fîrefox 4 daha rind o, kî xeyrê motorê neweyî yê JavaScript ra daha çîp gureyeno.

Çîyêde muhîm kî o yo ke Fîrefox 4 de asayîş Înternet de tenêna pêt o. Herçiqas ke Mîcrosoftî naye de tayê fonskîyonî Fîrefoxî ra girewtî, hîna nêreşt sewîyaya ci. Aye ra kî dot no hewte şîrketê Google versîyonê beta yê webwendoxê xo “Chrome” dano nas kerdene ke tede kî merdim (mordem) besebikero vengê xo ra program kontrol bikero.

Xebitnayoxî besekenê Fîrefox 4 no lînk ra warancê (waroncê): http://www.mozilla-europe.org/tr/ (tirkî); http://www.mozilla-europe.org/en/ (îngilizkî)

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

CEWAB BIDE

Please enter your comment!
Please enter your name here