Merdimo (mordemo) bi destê xo de kardîya girse şono camî û pers keno:
- Şima ra kam musluman o?
Ters ra kesî ra veng nêvejîno. Tenêna vêreno û yew (ju) merdimo kokim hewl dano vano:
- Bira, ez musluman o.
Kokimî ra merdim bi kardî pîya çêber (keyber) ra şonê teber. Merdim yew bolê mangayan musneno vano:
- Apo, ez nînan keno qurban, teyna besenêkeno. Şima mi rê tenê ardim kenê?
Merdimo kokim di-hîrê mangayan sare birneno û tepîya bi qefilîyayîş vano:
- Ez qefelîyo, şo xo rê merdimêna (mordemêna) bîya.
Merdim ancîya (onca) şono camî û bi kardîya gonine xo dest de pers keno:
- Werteyê şima de muslumanê bînî estê?
Tabî cemat ra seba ke ters nişto ci, qet veng nêvejîno û pêro pîya rîyê xo çarnenê hetê îmamî. Îmamî kî qahrîno vano:
- Lawo, şima çayê qayîtê mi kenê? Bi di-hîrê rekatê nimajî ez bîyo musluman?
