Fîlmo newe yê rejîsorê kirmancî Velî Kahraman “Zonê ma kotî yo” na taw yeno musnayene. No fîlm de di pîlê dêrsimijî derheqê vîndîbîyayîşê kirmanckî (zazakî) de qisey kenê û qayitkerdoxan rê musnenê ke kirmanckî çitur ameyo asîmîle kerdene.

Raporo newe yê UNESCO (Rêxistina Miletanê Yewbîyayeyan a Perwerde, Îlm û Kulturî) de nusîno ke kirmanckî (zazakî) hîna binê tehlukeyê vîndîbîyayîşî der o. No fîlm na raştîya xirabinê xo de keno mewzû.

Muzîkê nê fîlmî hetê deyîrbazê kirmancî Kemal Kahramanî ra ameyo viraştene.

Fîlm 10 nîsane 2012 de saeta 13.30 de Sînamayê Atlas de (Beyoglu-îstanbul) yeno musnayene.

Nameyo orjînal: Zonê ma kotî yo
Nameyo îngilîzkî: Where Is My Mother Tongue
Zonê Fîlmî: Tirkî, Kirmanckî
Binnuşte: Îngilîzkî, Tirkî
Serra viraştişî: 2012

Kaykerdoxî:
Mustafa Kahraman
Hatîce Kahraman

Rejîsor:
Veli Kahraman

Viraştoxî:
Gökçe Işıl Tuna
Veli Kahraman
Cengiz Keten
Metin Dağ

Muzîk:
Kemal Kahraman

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.