Rîyê dewaya rişwetwerîye ra, serdozgerîya Swîsî 6 endamê Federasyonê Mîyanneteweyî yê Rêxistina Futbolî (FÎFA) tewqîf kerdî. Dewa derheqê dîyarkerdişê cayanê Kupayanê Dinya yê 2018 û 2022 de ameye rakerdene. Guman beno ke qerarkerdişê cayanê kupayî de tayê endamanê FÎFA rişwet werd. Kupayê Dinya yê ameyoxî do Qeter û Rûsya de ca bicêrê. 

Ser o kî serdozgerîye da zanayene ke tayê melumat esto ke bankayan de pereyo sîya bî vila. Operasyonê xo de memuranê swîsijan merkezê FÎFA ra komputur û dokumanî girewtî, bankayan mecburî hesabê xo kerdî ra. Texmîn beno ke pereyê rişwetî ameyî rusnayene hesabê nê bankayan. No sebeb ra polîsî serê şodirî de şeş selahîyetdarê FÎFA tewqîf kerdî, nînan tede di hetkarê serekî: Jeffrey Webb û Eugenîo Fîgueredo. Pêro pîya duştê 14 kesan de dewa bîya ra.

FÎFA da zanayene ke o programê xo ra dewam kenê. Roja înîye do komîteyê xo bivirazê, tede serekê FÎFA Joseph Blatter wazeno ke reyna bêro weçînitene. Aye ra kî teber, Kupayê Dinya yê Qeter û Rûsya do bimanê.

2 ŞÎROVEYÎ

CEWAB BIDE

Keremê xo ra şîroveyê xo binuse
Keremê xo ra nameyê xo binuse