Emser Fesvtîvala 11. ya Mizurî yena viraştene. Tey kî Erîwan û dugelan (duwelan) ra xeylê armenîyî amey silayîye kerdene. 100 ra zêde armenîyî beşdarê festîvale benê.
Komela Sosyal a Ardimkerdiş û Bawerî ya Armenîyanê Dêrsimî seba festîvale her ca ra armenîyanê dêrsimijan ana Dêrsim. Armenîstan ra kî xeylê dêrsimijî erebeyê xo ra yenê Dêrsim.
Festîvala Mizurî peynîya aşma temmuze de yena viraştene û henî plan beno ke mesajê aştî û biratî bi kirmanckî, kurmanckî (kirdaskî) û armenîkî bêrê dayene. Ser o kî tayê deyîrbazê armenî û grûbade reqsî ya armenî sahne de cayê xo cênê. Festîvale ra teber tayê armenî wazenê ke çimeyê Mizurî û Dêrê Ergenî zîyaret bikerê.
Armenîstan û Tirkîya ra qederî kî Ewropa û Amerîka ra armenî yenê Dêrsimî. Komela Armenîyanê Dêrsimî wazena ke Dêrsim û Erîwan bibê şaristanê birayan.
