Keyepel Weşîye Fenomeno newe: Teynayîye

Fenomeno newe: Teynayîye

433
3

Verê, însanî teynabîyayîş ra tersay û coka 20serranê xo de zewejîyayêne û bîyêne wayîrê domanan. Cigêrayîşo newe ra gore hûmara ê însanan ke dinya de teyna ciwîyênê, bîya 277 mîlyonî. Cigêrayoxan ra gore trendo newe yê nê çaxî teynayî ya.

Statîstîkê fîrmayê Euromonitor Internationalî ra gore serra 1996 de 152 mîlyon kesan weşîya xo teyna ramitêne, 2011 de na hûmare bîya 277 mîlyonî.

Sosyologo amerîkayij Erîc Klînenbergî kitabê xoyo peyênî de faktorê no trend îzeh kerd. Ey ra gore însanî êndî xo û têkilîya însanan sey 20 serran ra ver nêvînenê. Kînenberg vano ke no trend de çar faktorî estê.

Tayê semedê teynabîyayîşî nê yê:

  • Faktoro ekonomîk: Êndî xeylê kesî besekenê mesrefê heyatê xo teyna bi sereyê xo fînansê bikerê.
  • Faktoro kulturî: Verê, teynayîye hetê komelî ra rind nêameybî dîyene. Labelê nê rojan de prensîbê heyatî vurîya û ewro yeno waştene ke însanî xoser û payanê xo ser o bivindê. Heyato îndîvîduel zafê welatanê rojawanî de heyato komelkî ra beno tenêna muhîm.
  • Faktorê teknolojî: Êndî însanî bi xebitnayîşê Înternet û medyaya sosyale ra besekenê însananê bînan de dûrî ra û bi hewayêde anonîm bikewê têkilîye. Lazim nêbeno ke xebitnayoxî odaya xo ra bivejîyê, her çî çê ra beno.
  • Faktoro komelkî: Cêncanê nê tawî ra gore êndî teynabîyayîş sey çîyêde negatîf nêno dîyene, çike heyato kesî de karîyer û xoraverberdiş cayêde berz cênê.
PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

3 ŞÎROVEYÎ

  1. No sosyolog Klinenberg rast vano,millet endi kuno internet,facebook te waxto xo verneno.dorme xode zof inson nasken pöre teyna nusene ro,hewe qe waxt vinene qune facebook uska waxte xo warnene…tae sosyal heyate yine cino.. na peniya dina sona kot nezoneme,niyake sero des sere ra tepiya kes ce xora tewer nevejino….

  2. Roze yenakê endî însanî çe ra nivejîne u her kes beno teyna 🙂 ez bawer nîken kê no trend modelê de rindo, ez hen van kê na rayê ju cara qurfîna.

  3. Mi sata bıne sere ne xeber ser mae xode qeseykerd,mae mı vana cae kê gureyena fîrmade xeyle însonî psikolijik biye newes.Piyemı par şi dewede bone newey viraşt
    jü sere ra tepiya endi ne gureyeno,sone dewede manene…
    ezîk par sine dewe 6 heftey mendne ne internet,ne Tv nêk telefone cev mide bi,hen rindek uresine ra ke,mi va newe amine dina….

CEWAB BIDE

Please enter your comment!
Please enter your name here