Di fabrîkayê petrolî ke Herêma Federal a Kurdîstanî de estê, pê îhtîyacê pêroyî nêşikînê. Ney ra gore her roje 2 mîlyonî lîtreyî petrolî kêmî yê.

Goreyê reqemanê hukmatê Herême ra, fabrîkayê Kalak (Hewlêr) û Bazîyanî (Silêmanî) her roje 3 mîlyonî lîtreyî petrolî vejenê. Çi esto ke par îhtîyaco rojane 5 mîlyon lîtreyî bîyo. Texmînan ra gore emser kî hîna berz o. Mudirîya Neqlîyatî raporê xo de vana ke Herêma Federal a Kurdîstanî de 1,3 mîlyonî wasîtayî estê. Eke her wasîta rojê de 5 lîtreyî mazotî xerc kena, o wext Herême rê her roje 5,3 mîlyonî lîtreyî lazim ê.

Seba ke rastê îhtîyacê hemwelatîyanê xo bêro, hukmatî petrol îdxal keno. Goreyê Wezaretê Maddeyanê Xaman ra, hukmatî seba her lîtreyê petrolî ke îdxal beno 0,17 $ dano. Fîyatê rotişê lîtreyî kî 0,60 $ yo. Çi esto ke şar zafane pê kalîteyê mazotî qayîl nîyo. Wezaretî ra gore no kî sucê stasyonanê petrolî yo. Herêma Kurdîstanî de 871 stasyonê petrolî estê, nînan ra 324 teneyî Hewlêr der ê. Wezaret vano ke 142 stasyonî hetê fabrîkayanê hukmatî ra her roje 2,25 mîlyonî lîtreyan petrolî cênê. Yanî, her stasyonî de rojê de 15.000 lîtreyî petrolî estê. Ê 543 stasyonê bînî ke manenê, petrolê xo teberê welatî ra cênê.

ÇIMERûdaw
PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

CEWAB BIDE

Please enter your comment!
Please enter your name here