Keyepel Kultur Êzîdîyan Gurcîstan de îbadetxaneyo newe kerd ra

Êzîdîyan Gurcîstan de îbadetxaneyo newe kerd ra

259
0
Resim: Rûdaw

Kurdanê êzîdîyan îbadetxaneyêde newe paytetê Gurcîstanî Tiflîs de kerd ra. Dîzaynê îbadetxaneyê neweyî de formê gelêrî û modernî pîya gurênîyayê.Dorê 2.000 hezarî meymanî amebîyî merasîmê rakerdişî, tede bextwaştoxê Şengalî kî estbîyî. Na reya verên a ke Tiflîs de êzîdîyî yew îbadetxane kenê ra. Îbadetxane merkezê kulturî yê Tiflîsî de bi nameyê “Sultan Êzîd”î ame viraştene. Laleş û yew perestgehê Armenîstanî ra dime, no îbadetxaneyo hîrêyin ê êzîdîyan o ke yeno viraştene.

“Yew serserr a ke kurdê êzîdîyî Gurcîstan de ciwîyenê û Heq şikir ke nika îmkanê înan esto ke yew ca bêrê têlewe û pîya îbadetê xo bikerê, ziwanê xo biwanê, wa kulturê xo vîndî nêkerê”, Malxaz Songulaşvîlî, papazê gurcî ke beşdarê merasîmî bî, va. Wezîrê Têduştîya Hemwelatîyan ê Gurcîstanî Paata Zakareîşvîlî no derheq de va, “Kurdê êzîdîyî parçeyê komelê Gurcîstanî yê û nê fealîyetî seba ma pêrune zaf muhîm ê. Ma bawer kenîme ke no merkezê kulturî do hîna zaf îmkanan bido kurdanê êzîdîyan ke dînê xo yê kanî û ziwan û kulturê xo yê rindekî biseveknê.”

Nufusê êzîdîyan ê Gurcîstanî 1990 ra bi nat semedê ekonomîya welatî ra bîbî kêmî, la rîyê cengê duştê terorîstanê DAÎŞ de ancîya hûmara bextwaştoxan bîye zêdîye. Serra 1989 de 33.331 êzîdîyî Gurcîstan de ciwîyayêne, 2002 de na hûmare bîye 20.843. Ewro texmînan ra gore da-6.000 kurdê êzîdîyî Gurcîstan de weşîya xo ramenê.

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

CEWAB BIDE

Please enter your comment!
Please enter your name here