Keyepel Aktuel Eskero dêrsimij ame kiştene

Eskero dêrsimij ame kiştene

124
0

Serranê peyênan de xeylê eskerê kurdî qereqolanê artêşa tirkan de mirenê. Îdîayanê sermîyanîya eskerîye ra gore nê eskeran xo xo bi xo kişto. Eskero dêrsimij Denîz Yurtseverê ke Çanakkale de eskerîya xo kerdêne, kî vatena qereqolî ra gore xo kişto. Naye ra gore Yurtseverî bi çeka otomotîke na zerrîya xo ra.

Sermîyananê artêşa Tirkîya may û pîyê Denîz Yurtseverî rê da zanayene ke lajê înan întîhar kerdo. Îdîaya eskerîye ra gore wextê eskerênîya xo de Yurtseverî rê çekî nêamey dayene. Yurtseverî lêl de bi çeka otomotîk a eskerêde bîn na zerrîya xo ra xo kişto. Birayê Denîz Yurtsever Alî Asker Yurtseverî va ke ey roja bazarî Denîzî de telefon kerdo û moralê birayê xo rind bî. “Keyfê ey ca de bî, problemê çin bî. Hetta mi ra va ke ez bîletê teyara seba 26. çeleyî bicêrîne. (…)  No senî beno? Ju (yew) qersune cêno hevalê xo ra, yanî senî hevalê xo ra tek qersune cêno û leyê ey de nano zerrîya xo ra? Ez bi kesî îman nêkena. (…) Çîyo ke yeno mi vîr, mesela Qilaban a. Tayê qezayan de kî tayê rojan de eskerî merdî. Eke 20 rojê xo mendî, Denîz çira xo bikişo?”

Denîz Yurtsever 31 serrî de bî û eskerîya xoya mecburî Çanakkale Gelîbolu de kerdêne.

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

CEWAB BIDE

Please enter your comment!
Please enter your name here