Bi 19,32 sanîyeyan atleto jamaîkayij Usaîn Bolt fînalê vaştişê 200 metreyan de kewt ser û 100 metre ra tepîya 200 metre de kî medalyaya zerrnêne girewte. Sey çar serran ra ver Olîmpîyatê Pekînî de nê dîsîplînanê sporî de lîder Bolt ame. Bolt nîya nameyê xo rîpelanê tarîx de bi herfanê girsan nuseno.

Usaîn Bolt Bob Marley ra tepîya bî merdimo tewr namdar ê Jamaîka, o kî hîna 25 serre der o. Tayê rojnameyanê îngilizan ra gore heyrananê Boltî seba bîletan heta 5.000 paundî day. Xeylê pisporê sporî Boltî sey prensê Olîmpîyatê Londra name kenê. Rojnameyê Telegraphî, mavajîme, nuşt: “Tewr girs! Efsaneyê Usaîn Boltî rexnegirê xo kerdî bêveng. Nêm însan, nêm super-qehreman.”  The Independentî kî Boltî sey “Lightnin Bolt” (Boltê biluskî) goyneno û dano zanayene ke tarîx de vaştoxêde sey Boltî çin bî.

(Resim: Nick J Webb)

CEWAB BIDE

Keremê xo ra şîroveyê xo binuse
Keremê xo ra nameyê xo binuse