Keyepel Ekonomî Ekonomîya Tirkîya Çîp Raver Şona

Ekonomîya Tirkîya Çîp Raver Şona

106
0
Resim: Resim: USACE Europe District

Rojnameyê ekonomî Financial Times (FT) derheqê ekonomîya Tirkîya de analîz neşr kerd. FT ra gore hetê ra ekomîya Tirkîya bena pête, la heto bîn ra kî girêdayîşê kapîtalê welatî bi dugelan (duwelan) tehlukeyin o.

Boomê ekonomîya Tirkîya analîstê FT Hubert Beyerleyî ra gore 30% zêde sektorê awanîye ra yeno pêra. No taw xeylê cayanê Tirkîya de dayîreyê yenê viraştene. Herçiqas ke konjunktur nika rind şono, bankaya merkezî kontrolê xo yê ekonomî pede-pede keno vîndî.  Seba ke welat demêde zaf kilm de xeylê pereyî welatanê xerîban ra deyn girewto, tehluke tey esto ke nê welatî rojê pereyê xo peyser biwazê. O wext îhtîmalê krîzêde giran ê ekonomî esto.

Bankaya alman Raiffeisenbank ra analîst Gregor Holekî kî da zanayene ke binê konjunkturê rindî ê ekonomîya Tirkîya de zêdêrî maaşê berzî estê. Ameyeyê şarî ke beno berz, herînayîş kî beno zêde. Çîyêde zaf muhîm kî o yo ke îthalatê Tirkîya îhracat ra daha zêde beno girs. Ferqê bîlançoyê tîcaretî kî bi deynan fînanse beno. Na stratejî heta nika rind gureyaya, labelê seba ke no ferqê bîlançoyî her serre beno berz, rîzîko kî beno berz. Serra 2008 de hûmara naye 5% bîye, nika nêzdî de 9% der a. Texmînê ekonomîstan ra gore na hûmara ferqê bîlançoyî serra 2012 de vejîna 10% ser.

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.