Merkezê Deyax û Çalakîya Sosyal ê Gêncan (GENÇSEM) yê beledîyaya Dêrsimî seba hemwelatîyanê astengdaran Çemê Mizurî de yew çalakîya raftîngî viraşte.

Sporê raftîngî Zîyara Ana Fatma ra heta Mamekîye vîyart. Astengdaranê ke raftîng kerd, bi slogananê sey “Ma Dêrsim de qeleqol nêwazenîme” û “Mizur de awbendan nêwazenîme” viraştişê awbend û qeleqolan hetê dewlete ra protesto kerd.

Na reya verêne bîye ke astengdaran Mizur de raftîng kerd. Înan beledîya rê teşekur kerd, hemserekê beledîya Mehmet Alî Bulî kî va ke o ceribneno ke waştişanê hemwelatîyanê xo bêro ca. Bul: “Ewro bi hetkarîya GENÇSEM ra hemwelatîyê ma yê astengdarî Çemê Mizurî de yew çalakîya manedar kerde, na seba ma zerrîweşîyêda pîl a. Naye ra tepîya aktîvîteyê ma yê sosyal û kulturî seba hemwelatîyanê ma yê astengdaran do dewam bikerê.”

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

CEWAB BIDE

Please enter your comment!
Please enter your name here