Rojnameyanê Tirkîya wext ra wext dokuman û delîlê neweyî derheqê jenosîdê Dêrsimî yê serranê 1937-38 de neşr kenê. Hewteyo peyên de rojnameyê Sabahî raporê neşr kerd ke operasyonan eslê xo de serra 1931 de dest cikerdêne.
No rapor ra gore dewleta Tirkîya waşt ke serranê 1931-32 de Dêrsim de dest bi operasyonanê qirkerdişî bikerê, labelê seba ke butçe şenike bîya, plan panc (ponc) serrî ame vindernayene. 15. nîsane 1932 de wezîrê pawitişî yê milî yê Tirkîya Zekaî Apaydinî serekwezîr Îsmet Înonuyî rê mektuba nimitîye rusnaybî. Tede va ke gerek operasyonê Dêrsimî serra 1932 de bêrê viraştene, labelê butçe ci nêresena.
No dokuman ra yeno dîyene ke jenosîdê Dêrsimî xeylê serran ra ver bi zanayîşê Înonu û Atatirkî ra ame plan kerdene.
