Buroyê Weşanxaneyê Vateyî yê Dîyarbekirî de aşma adare de newe ra kursê kirmanckî (zazakî) beno ra. Îlanê kursî cêr ra yo.

AGAHDARÎ

Buroyê Vateyî yê Dîyarbekirî seba di grûban kursê ziwanê (zonê) kirmanckî (zazakî) akeno (keno ra). Kursî roja 14.03.2011 (dişeme) saete 18.00 de dest pêbenê. Êyê ke wazenê beşdarê nê kursan bibî, ganî şertê cêrênan bîyarê ca.

SEBA GRÛBA YEWINE

  1. Programê kursê na grûbe seba mamostayan o. Êyê ke nê kursî biqedênê do bieşkê dersa kirmanckî (zazakî) bidî.
  2. Êyê ke sere danê (muracat) na grûbe ro, ganî wendiş û nuştişê kirmanckî bizanê.
  3. Êyê ke nika wendegehan (mekteban) de mamostayî kenê tercîh benî.

SEBA GRÛBA DÎYINE

  1. Programê kursê na grûbe seba sewîya yewine yo.
  2. Êyê ke sere danê na (muracat) grûbe ro, ganî kirmanckî (zazakî) bizanê.

SEBA HER DI GRÛBAN

  1. Kursî do her hewte roja dişeme û çarşeme saeta 18.00 de dest pêbibê û hetanî saeta 20.00 dewam bikerê.
  2. Kursî do hîrê aşmî dewam bikerê.
  3. Êyê ke wazenê bêrî nê kursan, ganî hetanî 12ê na aşme sere bidê “Buroyê Vate”yî ro.

ADRESE:

Buroyê Vateyî yê Dîyarbekirî

Ekinciler Cad. Nurlar Ap. Kat 3, (Serê Avesta) Ofîs – Dîyarbekir

Telefon: 0505 267 74 05

1 ŞÎROVE

CEWAB BIDE

Keremê xo ra şîroveyê xo binuse
Keremê xo ra nameyê xo binuse