Beledîyaya Sûrî yê Amedî seba domananê ke 3-6 serre der ê ju (yew) kreş kerd ra. Serekê beledîyaya Sûrî Abdullah Demîrbaş, hemsereka partîya BDP Gulten Kişanak û xeylê kesî no rakerdiş de xazir bîy.
Serekê beledîyaya Sûrî Abdullah Demîrbaş seba rakerdişê kreşî naye va: “No kreş de kurdkî yeno musnayene. No kreş bi taybetmendîya xo seba musnayîşê kurdkî cayêde nimûneyî yo. Ez hêvî kena ke nêzdî de zonê (ziwanê) dayîke de unîversîte de kî perwerdeyê bi zonê (ziwanê) ma estbo.”
Xeberan ra gore rakerdişê kreşê neweyî nêzdî de şaristananê kurdan ê bînan de dewam keno.
