Deyîrbaza popî Helly Luv bi klîbanê xo yê Youtube bîye namdar. Vîdeoyê hunermenda kurde hetê 2,5 mîlyonî kesan ra qayît benê.

Helly Luv, yew deyîrbaza kurdanê başûrî, bi albuma xo ya verêne “Risk it all” ke 3. gucige de vejîya, fekê miletî der o. Klîbê aye bala 2,5 seyrkerdoxan ante. Bitaybetî yew klîbê xo de deyîrbaze yew kampê multecîyanê Kurdîstanê Rojawanî û serê bananê Hewlêrî de ame antene. Tede pêşmergeyî û ala Kurdîstanî ra pîya Luv kilama xo wende.

Labelê Helly Luv tena eleqeya pozîtîfe nêdîye. Tayê hemwelatîyê muhafezekarî pê serbestîya deyîrbaza popî qayîl nîyê, semedê vîdeoyanê xo ra hundermende xeylê e-mail û mektubê texdîdî girewtî. Luv bi xo da zanayene ke a goş ro pêro texdîdanê mergî nênana. “Kilama mi şoreşger a, çike reya verêne klîbêde kurd de yew cinîke xo nîya musnena. Ez xoserîya şarê kurdî temsîl kena”, va.

Nameyo rast ê Helly Luv Helen Abdulla ya, a Kurdîstanê Başûrî ra yena. Keyeyê deyîrbaza 25 serran keyeyê pêşmergeyan bî, Luv ra gore maya xo kî pêşmerga bîye. Cengê Îraq-Îranî de keyeyê xo bar kerd şî kampê multecîyan ê Tirkîya, o ra kî bar kerd bi Fînlanda. 18serrîya xo de Luv şîye Los Angeles ke karîyerê xo raver bero. Yew albuma ke seba Kupayê Dinya yê FÎFA yê 2014 hazir bîye, tede kilama Luv kî ca girewte. Seba albuma xo ya verêne Helly Luv bi şîrketê G2 Music Group kontrat îmza kerd.

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

1 ŞÎROVE

CEWAB BIDE

Please enter your comment!
Please enter your name here