Kîpkerdişê tayê rojname û kovaran û kîpkerdişê tayê kanalanê televîzyonan ser o nuştox, rojnameger û hunermendanê kirmancan bi sernameyê “Destê xo menê medyaya kurdan ra!” yew vilaweke kerde hazir û îmza rê kerde ya. Na vilaweke hetê xeylê nuştox, rojnameger û hunermendanê kirmancan ra ameye îmza kerdene û hona kî yena îmza kerdene. Teksê vilaweke nîya r’ o:

Destê xo menê medyaya kurdan ra!

Ma nuştox, rojnameger û hunermendê kirmancî nê şîyayîşî û na rewşa medyaya kurdan qet rind nêvînenîme. Hal û wextê ma qet rind nêaseno. Zulmkaran vengûvaj ma ser o birnayo û roştî ma ser o kerda tarîye. No sebeb ra kî gerek ma êdî pêro pîya verba nê zulmê zulmkaran de doş biderîme doş û bi vengê xo, bi rengê xo û bi qewetê xo mucadele bikerîme.

Seke yeno zanayene 29. teşrîna peyêne 2016 de tayê rojnameyî û tayê kovarî binê nameyê OHAL de serheb kok ra kerdî kîp. Yanî, tayê rojnameye yê ke bi rojane û seranser bi kurdkî weşanayêne, hetê dewleta tirke ra ame kîp kerdene.

Bi serran o ke Tirkîya de medyaya kurdan ser o zulm û zordarîye berdewam kerdê û hetanî ke kerdî kîp. Ewro kî şarê ma vengûvaj gireetene ra mahrûm mendo. Rojnameyê ma, televîzyonê ma, kovarê ma û ajansê xeberan ameyê kîp kerdene. Ewro têkilîya ma bi dinya birîyaya. No zulm o, zulm!

Nê televîzyon, rojnameye û kovarê ke ameyê kîpkerdene vengê bêvengan rê bîbî veng û rengê mazlûman re kî bîbî reng. Kes nêşîkîno vengê ma bibirno û heqa kesî kî çin a ke vengê ma bibirno. Na zorbazîyênî ya, nêheqîyênî ya, bêhuqûq û bêedaletênî ya. Ma na nêheqîyênî nêwazenîme.

Ma ewro heqanê însanetîye ra mahrûm mendîme. Darbe ser o darbe bena? Ewro tern û huşk têmîyan de veşeno. Xeylê însanê ma yê bêsuc û bêgunayî ameyê pêgirewtene ya kî binê nezaretî der ê. Na nêheqîyênî ya û ma na nêheqîyênî nêwazenîme. Vengê ma ameyo birnayene û dinya ma rê kerda zîndan. Heqa kesî çin a ke vengê ma bibirno, ma vengê xo peyser wazenîme.

Êdî no zulm bes o! Ma çareserîye û aştîye wazenîme.

Rojnameyê ke ameyê kîp kerdene:

  • Azadîya Welat
  • Ozgur Gundem

Kovarê ke ameyê kîp kerdene:

  • Tîroj
  • Evrensel Kultur
  • Ozgurluk Dunyasi

Kanalê televîzyonî yê ke ameyê kîp kerdene:

  • TV 10
  • Jîyan TV
  • Zarok TV (bi şertan ancîya beno ra)
  • IMC TV
  • Hayatin Sesi
  • Azadî TV
  • Denge TV
  • Ozgur Gun TV

 

Nuştox, rojnameger û hunermendê kirmancî yê ke no nuşte îmza kerdo, nê yê:

  • Akman Gedîk (Şaîr, Nuştox)
  • Alî Aydin Çîçek (Nuştox)
  • Alî Şeker (Nuştox)
  • Aydin Bîngol (Nuştox)
  • Azad Ararat (Nuştox)
  • Bakî Gul (Rojnameger)
  • Bedrîye Topaç (Nuştoxe)
  • C. Piranij (Nuştox)
  • Denîz Gunduz (Nuştox)
  • Emrah Kelekçîer (Rojnameger)
  • Enwer Wel (Rojnameger)
  • Erdal Er (Rojnameger)
  • Erkan Dewdan (Hunermend)
  • Firat Guneş (Hunermend)
  • Gule Mayera (Hunermende)
  • Haydar Diljen (Nuştox)
  • Îbrahîm Beyaz (Nuştox)
  • Îsmet Sîvereklî (Nuştox)
  • Kamer Erdogan (Nuştox)
  • Kenan Tosun (Şaîr)
  • Lerzan Jandil (Nuştox, Pedagog)
  • M. Dogan (redaktor)
  • Mehmet Seyîtalîoglu (Nuştox)
  • Mehmet Akbaş (Hunermend)
  • Mikaîl Aslan (Nuştox, Hunermend)
  • Mîrzalî Dêrsim (Nuştox)
  • Mutlu Can (Rojnameger)
  • Nîlufer Akbal (Hunermende)
  • Pinar Yildiz (Hunermende)
  • Rindo Sûr (Hunermend, Nuştox)
  • Rozerîn Kahraman (Hunermende)
  • Sakîna Teyna (Hunermende)
  • Şengul Pak (Hunermende)
  • Sevgî Yurtsever (Hunermende)
  • Şeyda Asmîn (Nuştox)
  • Sinan Usarr (Edîtor)
  • Soner Soyer (Hunermend)
  • Serhildan Adnan (Rojnameger)
  • Ulkem Zeremya (Rojnameger)
  • Veysel Baran (Hunermend)
  • Wusênê Gestemerde (Nuştox)
  • Xezale (Hunermende)
PARE BIKE
Wusênê Gestemerde
Wusênê Gestemerde serra 1971 de dewa Gimgimî Gestemerde de ameyo rîyê dinya. Serra 1990 ra nat Ewropa der o. Endamê Înstîtutê Ziwan û Kulturê Kirmancî (Zaza) ÎKK e.V. Berlînî yo û demê kî karê Komîteya Rayeraberdîşê Înstîtutî de bi hevalanê xo aktîf xebitîya. Serra 2000 ra nat ziwan û kulturê xo ser o xebitîno û bi kirmanckî (zazakî) meqale, hîkaye û şîîran nuseno. 2012 de Gestemerdeyî Xelata Edebîyatî ya Huseyîn Çelebî girewte.

2 ŞÎROVEYÎ

  1. Xora kurdan sebebe amyayise Mesud Barzani ye Tirkiya u tekiliyane miyanbere ey u AKPi texmin kerdene la dimayo ke koma bi nameye Pesmergeyane Rojawani ke hete PDKi u hezane eskeri ye Tirkiya ra ameye perwerdekerdisi Sengal de herise YBSi kerd texmine kurdan ame tesdiqkerdisi. Belki Barzani bi amyayise xo ye Tirkiya vano qey do destkewtisane sexsi u destkewtise tekmerdeti bifino xo dest la bi rasti eke destkewtise newini bibe zi ne destkewtise daimi ye, destkewtise viyarte ye ke tarixe de zi caye inan cine beno.

CEWAB BIDE

Please enter your comment!
Please enter your name here