Keyepel Spor Dêrsimsporî ver bi şampîyonîye gamêna eşte

Dêrsimsporî ver bi şampîyonîye gamêna eşte

484
2

Dêrsimsporo ke grûba 3. yê Lîgê Amatoran ê Cayî (BAL) de kay keno, sehaya xo de duştê Adiyamansporî de bi 6:1 kewt ra ser.Stadê Şaristanê Dêrsimî de Dêrsimsporî maçêde çîp musna. Leteyo yewin de hîrê golî ameyî: deqaya 11. de Onur Aydin, dq. 26. Eyup Ayaş û dq. 41 de kî Îbrahîm Taşkiranî golê xo eştî.

Leteyo dîyin de kî ekîbê dêrsimijî deqaya 57. ra dime raverşîyayîşê xo ra dewam kerd. Golê Cem Çetînî ra tepîya dq. 58. de Eyup Ataşî golê xo yo dîyin eşt. Peynîye de, dq. 62 de Yahya Topçuyî skor kerd 6:0.

 

Deqaya 90+3 de semedê penaltî ra kaykerdoxê Adiyamansporî Sînan Dumanî gol eşt. Maç bi 6:1 seba Dêrsimspor reşt peynîye.

Maç ra tepîya, her di ekîbî pîya şîyî nan werd.

Dêrsimspor bi 49 puanan ver der o

Bi skorê xo yo nikayinî, Dêrsimspor bi 49 puanan tablo de cayo verên gêno. Cayo dîyin de ekîbê Kilîsî bi 44 puanan, cayo hîrêyin de kî Meletîspor (38 puanî) esto. Heta qedîyayîşê Lîgî, çar hewteyî mendî.

dersimspor tablo 15032015

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

2 ŞÎROVEYÎ

  1. Şima baş kerd ke tabela bi kirdkî nuşte. Înşallah rojêk taximê ma yê kirdî lîgê xo awan kenî û lîgê tirkan de ney wa yê kurdan de kay bikî

CEWAB BIDE

Please enter your comment!
Please enter your name here