Maçê grûba 3. ya Lîgê Amatoran ê Cayî de Dêrsimspor kewt ver. Hewteyo 19. yê lîgî de Dêrsimsporî duştê ekîbê Meletî Yeşîlyurtsporî de mucadeleyê şampîyonîye da. Sey netîce, dêrsimijan bi 1:0 maç xo rê girewt.

Golê ekîbê Dêrsimî leteyo yewin de ame. Deqaya 18. de Lucas arjantînijî (par Meletîspor de kay kerdbî) Dêrsimspor bi 1:0 ard ver. Çi esto ke Yeşîyurtsporî hîna tesîrdar kay kerd. Yew golê înan hetê hekimî ra nêame hesibnayene. Leteyo dîyin her di ekîbî fetilîyayî ke şansê goleştişî bivînê, la nêbî.

Dîrektorê teknîkî yê Dêrsimsporî Erhan Koçî peynîya maçî de da zanayene ke her di reqîbî seypê bîyî. “Seba îddîaya xo ya şampîyonîye, mecbur bî ke ma serkewîme. Seba ke ma reşt hedefê xo, ma bîyîme şa. Yeşîlyurtspor kî şî raver bî ekîbêde pêt. Domananê Meletî ekîbêde rind na ro. Ez mucadeleyê xo de, înan rê serkewtîye wazena.”

CEWAB BIDE

Keremê xo ra şîroveyê xo binuse
Keremê xo ra nameyê xo binuse