Futbolbazo kirmanc ê ekîbê Bayer Leverkusenî Erden Derdîyokî vizêr maçê lîgê Almanya “Bundesliga” de duştê Hertha Berlînî de kayêde rindek de hîrê golî eştî. Labelê kayê Derdîyokî bes nêbî û maç têduşt, bi 3-3 qedîya.
Merdimê (mordemê) nê maçî Eren Derdîyok bî. Stadê Olîmpîya yê Berlînî de roja serdine de ey bi hîrê golan ra meydan kerd têwerte ro û keyfê heyrananê futbolî ard. Eslê xo de maç seba Leverkusen henî rind destnêkerdîbî ci, Berlîn lerza lerz deqaya 24. de bi 2-0 raver şî. Leteyo juyin (yewin) de Derdîyok bi golêde rindek maç kerd 2-1 û leteyo peyên de kî performansê xo ra dewam kerd. Deqayanê 64. û 79. de ey maç kerd têduşt. No skor ra Eren Derdîyokî mabênê futbolbazanê Bundeslîga de cayo 6. girewto.
Kaykerdoxo dêrsimij Derdîyok no sezon kayêde ciraameye vejeno û jê (sey) estareyêde lîgê Almanya bereqîno. Tayê melumatan ra gore kî çimê Chelsea û Barcelona Eren Derdîyokî de esto.
Mihemed
27/11/2011
Beliyo birayene beliyo, Erene ma owa Dersim simita. Xo ji we ma wo ke insane ma niya namdar u hunerkar.