Kovara almane “Der Spiegel” hûmara xoya peyêne de derheqê kampanyaya weçînitişî yê Tirkîya de ju (yew) analîz neşr kerd. Der Spiegelî no analîz de nuşt ke kampanyaya weçînitişî yê Tirkîya bi kasetanê seksî û zerardayîşê kurdan bîya qilerine.

Der  Spiegelî wendoxanê xo ra qalê mesela kurdan kerd û tey nuşt ke kurdî ancîya (onca) semedê barajê 10% ra bi namzedanê xoseran kunê weçînitiş. Raver ra komîsyonê weçînitişî yê Tirkîya ceribna ke namzedîya tayê sîyasetkaranê kurdan red bikero. Seba ke şarê kurdî no qerar ser o protestoyêde girs kerd, komîsyon mecbur bî ke qerarê xo peyser bicêro. Analîz de kî nusîno ke hêrişê artêşa tirke gerîllayan ser o bîyê zêde û ju (yew) rey kî 12 gerîllayî amey kiştene. Sey (jê) protesto, kurdan hîrê rojî dikanê xo day ca û heyatê komelî henî bîyo felç. Tay mendo ke sîyasetkarê kurdî kî weçînitiş boykot bikerê.

Dewamê analîzê kovare yeno vatene ke bi kaset û provokasyonê kurdan serekwezîrê Tirkîya Tayyîpû Erdogan wazeno ke sermîyanîyade otokratîke rono. Eke rîyê kasetan ra partîya MHP binê barajî de bimano ya kî kurdî mekuyê parlamento, naye ra tewr zêde AKP û Erdogan kar kenê. Nusîno ke nimûneyê Erdoganî serekkomarê Fransa Sarkozy yo.

CEWAB BIDE

Keremê xo ra şîroveyê xo binuse
Keremê xo ra nameyê xo binuse