Taximê Dîyarbekirî Amedsporo ke lîgê Tirkîya yo 2. Grûba Sûre de kay keno, futbolbazê xo yo neweyî transfer kerd. Dêrsimij Denîz Nakî nika ra tepîya Amedspor de kay keno.

Transfero newe yê Amedsporî kaykerdoxo kan ê Gençlerbîrlîgî, dêrsimij Denîz Nakî yo. Nakîyo ke Almanya ra cêra ra, peymana 2 serran îmza kerde. Merasîmê îmza de sereko dîyin ê klube Nurullah Edemen, endamê heyetê îdareyî Ekrem Yeşîl, Adnan Zengîn, Onder Tekîn, berpirsîyarê beşê futbolî Servet Erol û dîrektorê teknîkî Sertaç Kuçukbayrak beşdar bîyî. Nurullah Edemenî sipasdarîya xo seba Denîz Nakî arde ziwan û va ke Denîz Nakî do xortanê Amedsporî rê sey kekê înan rayberî û ardimê înan bikero.

Denîz Nakî tewr peyên ekîbê tirkan Gençlerbîrlîgî de kay kerdbî. Semedê hêrişanê faşîstan ra taxim terk kerd peyser şî Almanya. Nakî vatbî ke eslê xo de nêwaşt racêro Tirkîya, la merasîm de va ke ey seba Amedspor fikrê xo vurna û pê taximê xo yê neweyî îftîxar keno.

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

CEWAB BIDE

Please enter your comment!
Please enter your name here