Keyepel Aktuel Cizîre de yewna xort hetê polîsê tirkan ra ame kiştene

Cizîre de yewna xort hetê polîsê tirkan ra ame kiştene

799
1
Resim: ANF

Polîsê tirkî ancîya yew xorto kurd kişt. Polîsî vizêr şan de pê wasîtaya xo yew erebeyo sîvîl raya Kobanê yê Cizîre de dabî vindetene. Tede çar xortî estbîyî ke ver bi taxa Cudî remayî, polîsî kî na înan ra. Di xortî bîyê dirbetinî, di tenan besekerd biremê. 

Şahîdan ra gore yew xorto dirbetin erd de mendo. Polîs şî nêzdîyê ey û dest û payê xortê dirbetinî girê dayî. Xort wina nêm saete erd de meridîyabî ro. Dima, şarê cayî protesto kerd ke polîs venga ambulansî nêdano. Polîsî şar bi çekan tehdîd kerd ke uca ra şêro.

Sey netîce, Hesen Nereyo ke 17 serrî bîyo, nêm saete ra tepîya canê xo teslîm kerd. Ewro bi beşdarîya hezaran kesan, meyîtê ey Şirnex de ame wedardene.

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

1 ŞÎROVE

Comments are closed.