Keyepel Nuştoxî ra Alî Beytaş Çiqas weş o heskerdişê min û to – Alî Beytaş

Çiqas weş o heskerdişê min û to – Alî Beytaş

227
0

Çiqas weş o heskerdişê min û to

“Ti çin bîya”
errr
çiqas serdin o
zereyê mi
– o wext
sey vayê pukê zimistanî
heskerdişê zereyê mi têde cemedîyay
cemed girewt zer’ û pişkanê mi
ne ez şikîyo biberbî
ne kî zereyê mi
lerzay dev û didanê mi
ziwanê mi bêveng
çimê mi bê roştî mendî
ne mi çimanê to de nîyada
ne kî çimanê to ez dîyo

“Ber bî ya, ti ama”
errr
çiqas vêşeno
zereyê mi
– o wext
sey germê zereyê tendure
heskerdişê zereyê mi têde bijîyay ya
cemedê zer û pişkanê mi hêlîya

ez hûno
zereyê mi hûno
lerzişê dev û didananê mi vinet
ziwanê mi bî ya
çimê mi bî roştî
ez êdî çimanê to vîneno
çimê to kî mi vînenê

“Çimanê to ez girewto zereyê xo”
errr
çiqas weş o
– o wext
heskerdişê min û to

Alî Beytaş


PARE BIKE
Alî Beytaş
Alî Beytaş serra 1956 de dewa Gimgimî Kûzike de ameyo dinya. Ey 1978 wendegehê maliman qedêna û dima new serrî sey malim Gimgim de xebitîya. Peyê cû Mersîn de 19 serrî gureya û uca xebatê sendikayan ra mektebanê cîya-cîyayan de malimîye kerde. Serra 2006 de teqawut bîyo. Alî Beytaşî kovaranê Vate, Şewçila, Tîroj û rojnameyê NewePelî de nuşt. Aye ra kî teber, yew kitabê xo bi nameyê "Şaîsmaîl" neşr bî.

CEWAB BIDE

Please enter your comment!
Please enter your name here