Keyepel Tarîx Çemîşgezek de di hemamê tarîxîyî wêran bîyê

Çemîşgezek de di hemamê tarîxîyî wêran bîyê

483
1

Seba ke kes qayîtê ci nêbî, di hemamê tarîxîyî yê Çemîşgezekî mîyanê çopî de mendî. 

Qezaya Dêrsimî Çemîşgezek de di hemamê tarîxîyî bi nameyê Hemam-î Atîk û Hemamo Newe estê. Seba ke kes qayîtê hemaman nêbî, halê hemamî mendî ro çopxaneyan. Hemam-î Atîk seserra 15. de wextê hukmdarê aqqoyunluyan Ebul-Muzefer Yakub Behadir Xanî de virazîya. Hemam esero tek ê aqqoyunluyan o ke a mintiqa de mendo. Hemamo newe kî merkezê qeza der o û mabênê serranê 1701 û 1702 de hetê Heci Bayramoglu Huseyînî ra tarzê mîmaranê osmanîyan de ame viraştene. Her di hemamî qet xebata restorasyonî nêdîye û nika wêran mendî, tede çop ame pêser.

Çemîşgezek qezayêda tarîxî ya Dêrsimî ya. Nika dêrsimijî venga selahîyetdaranê dewlete danê ke duştê rewşa nê hemamanê tarîxîyan de mucadele bikerê. Dêrsimij Xidir Macur no derheq de vano: “Çemîşgezek de xeylê eserê tarîxîyî estê. Hemam-î Atîk nika wêrankerde yo. Seba naye merdim besekeno çîyê bikero. Halo nikayin ê hemamî hem seba Çemîşgezek hem seba kultur û neslanê ameyoxan vîndîbîyayîşêde girs o.”

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

1 ŞÎROVE

  1. Heq bo Pîr bo ez ke reyêna sono Çemişgezege ez sono hamam. Heq kena işalla heta owaxt ‘xebata restorasyonî dÎye’ zeke sima vane.de ez zone sima buwerî heniii

CEWAB BIDE

Please enter your comment!
Please enter your name here