Keyepel Aktuel Cemîl Bayik: Ma Amerîka qebul kenîme

Cemîl Bayik: Ma Amerîka qebul kenîme

709
1

Serekê Konseya Koma Cematanê Kurdîstanî (KCK) Cemîl Bayikî roportajê xo yê bi Mîchael Volkerî rojnameyê Belçîka Der Standard de da zanayene ke seba çarerserkerdişê mesela kurdan, gerek dewletêda hîrêyine estbo. Bayîkî nîya qisey kerd: “No Amerîka bibo ya kî heyetê mîyanneteweyî bibo. Ma Amerîka no semed ra qebul kenîme û henî vînenîme ke nê hetî ra şonê.”

Roportaj de Bayikî fikro muhîm kerd eşkera,  derheqê herbê werteyê çeteyanê “Dewleta Îslamî” (DÎ) û hêzanê Kurdîstanî de va ke dewleta Tirkîya piştî dana DÎ û hetta hêzê taybetî yê Tirkîya bi çeteyan pîya gureyenê. “Kurdîstanê Başûrî de nika yew sîstemo otonom ame awan kerdene, no nêzdî de Rojawan de kî beno. Gama bîne de kî Tirkîya mecbur a ke statuyêde otonom bido kurdan. La dewleta Tirkîya bi her çî ceribnena ke virênîya ney bicêro. No sebeb ra wazena ke awanîya Rojawanî bixeripno, nîya DÎ xebitnenê.

Bayikî dewam ra nîya qisey kerd: “Erdoganî raver waşt ke koalîsyonê mîyanneteweyî sey DÎ, hêrişê PKK û YPG kî bikero. DYA no qebul nêkerd, înan YPG rê destek da. DYA wayîrê para girs o ke Tirkîya planê xo peynîye de vurna.” Derheqê hemkarîya hêzanê kurdan de kî Bayîkî da zanayene ke “hêzê ma û pêsmerge xeylê ca de pîya danê pêro. Ma rind ameyîme têlewe, ney şarê ma de reaksîyonêde rind tesîr kerd. Coka şa benîme ke pêşmerge ma ra pîya Kobanê de dano pêro. DÎ ardimê fehmê kurdan kerd bêrê têlewe.”

Bayikî eşkera kerd ke tarîxê PKK de reya verêna ke DYA û biîntizam qayîtê prosesê aştîye mabênê PKK û Tirkîya kenê. “Ma rê yew mabênçî lazim o, yew observator. No Amerîka bibo ya kî heyetê mîyanneteweyî bibo. Ma Amerîka no semed ra qebul kenîme, firê ma ra gore nê hetî ra şonê.”

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

1 ŞÎROVE

  1. Bravo sima peynîyede rast qisey kerdo. Sarê Kurdî gerekeke Tirkîya re bawer mekero, 15 serre nîya vînd nî sî. Amerîka gerekeke masa de bo. Nîya kayê tirkuna xelesime.

    Berz be Kurdistan
    Berz be Amerîka

CEWAB BIDE

Please enter your comment!
Please enter your name here