Yew şehîdê hêrişê Pirsûsî Çagdas Aydin welatê xo Dêrsim de defn bî. Bi hezaran kesî beşdarê merasîmî bîyî.

Badê ke otospî Dîyarbekir de ame kerdene, konvoyî meyîtê Aydinî berdo Mamekîye. Şarê Dêrsimî ra xeylê kesî verê cemxaneyî de kom bîyî, sîyasetmedar û keyeyanê şehîdanê bînan ra kî xeylê kesî amebîyî. Badê ke baxçeyê cemxaneyî de minetê bi kirmanckî ameyî wendene, tabût hetê kome ra ame kirişnayene. Sloganî sey “Biciwîyo xoverdayîşê Kobanê”, “Şehîdê Pirsûsî nêmirenê” û “Çagdas Aydin nemir o” ameyî eştene.

Verê Meydanê Seyîd Rizayî de şar seba hurmetmusnayîşî pay ra vindet. Dima sîyasetmedar û merdimanê Aydinî qisey kerd, hêriş şermezar kerd û waşt ke hesabê nê qetlîamî bêro pers kerdene. Qiseykerdişan ra dime konvoy şî Pulur, uca dewa Çaxperî de Çagdas Aydin ame wedardene.

cagdas aydin 2

1 ŞÎROVE

  1. Eeey ti xêr ama xorto pak xorto zemzalal! Çimê xo kerdê pa şîya Rehma Haqê xo! Ezo qurban! Hardê Dewreşî to rê minettar o. Çand xortê ma şî bine hardê şaye! I kisene ma mireme peynîya ma sebena ya Duzgî ya Olî ! Xizir Xizir

Comments are closed.