Festîval 6 yê Kulturê Elewîyanê Dêrsimî bi beşdarîya hezaran ra şaristanê Almanya Dusseldorfî de qedîya. 

Fesîtvalê Kulturê Elewîyanê Dêrsimî perey bi panelanê derheqê tarîx, nasname û sîyasetê Dêrsimî de virazîya, vizêr kî bi programê kulturî dewam kerd. Bi des hezaran kesî beşdarê festîvalî bîy. Xeylê sîyasetmedar, roşnvîr û hunermendan qiseykerdişanê xo de derheqê Dêrsim û Kurdîstanî de qisey kerd. Aye ra kît dot dêrsimijê sey Seyîd Riza, Alîşêr, Zarîfe Xanine, Mazlum Dogan, Sakîne Cansiz ûsn. amey yad kerdene.

Hemserekê FEDA  Alî Koycluceyî qiseykerdişê xo de giranîye daye ser ke gerek elewîyê Ewropa hîna pêt organîze bibê û doman û neslanê neweyan rê kultur û îtîqadê xo neql bikerê. Hemserekê beledîyaya Dêrsimî Mehmet Alî Bulî qiseykerdişo peyên de va ke “Des serrî yo ke ma Dêrsim de beledîyakarêde ciddî kerd. Û hîna dewam keno. (…) Dêrsim bi tebîetê xo cenet o. Ma venga şar û karsazanê xo kenîme: bêrê tîya sermayegozarîyanê xo bikerê. Ma pêro pîya Dêrsim bikerîme tenêna rindek.”

Qiseykerdişan ra dime hundermendan sey Hozan Serdan, Ahmet Aslan, Hozan Emekçî, Vedat Baran, Alî Sîzer, Pinar Yildiz, Hasret, Firat Guneş, Sevgî Yurtsever, Koma Asmênî, Koma Sîyabendî ûêb. sehne ser o kirmanckî û kirdaskî kilamî wendî.

1 ŞÎROVE

  1. Resme erebuna hona netexeline… Erebe ke Kurdistan o waxt ebe goyn sutbi…
    Resme ju tirkrak netexeline, turkmeno ke qe ju feyde xo mare nebiyo.

    Sareye masey tarixe xo hervi kene virr, niya dugeluna bene rejil… Mordemke raye xora nesi, niya raye asimilasyon ra sono… No itiqate ma niyo… Sire itiqate ma jiyarune made, harde made, tarixe made, owa made, pirune made, zone made, venge welate made ro…

CEWAB BIDE

Keremê xo ra şîroveyê xo binuse
Keremê xo ra nameyê xo binuse