Estareya muzîkê popî ya amerîkayije Brîtney Spears roja 10. kanûne de bîye hîris serrî. Vîstserrîya xo de Spears bîbî namdare û kewtişê xo ra dime a wazena serrgêra xo ya 30. de ancîya (onca) biberiqîyo. Seba naye aye 10. kanûne de dest bi turê konseran ê dinya kerd.

Brîtney Spears 19serrîya xo de, serra 1999 bîye, bi kilama xo “Baby One More Time” dinya de cayê xo bellî kerd. Heta ewro 100 mîlyonî ra zêde albumê Spears amey rotene.

Labelê bi serkewtişê muzîkî heyatê Spears kî pede-pede vurîya. Xeylê skandal û xeberanê sensasyonelan ra dime karîyer û zewajê Spears rijîya. Serra 2008 de maya hîrê domanan mecburî şîye terapîya doktoran ke nêweşîya xo ya esraran ra raxelisîyo. Qerarê mahkeme ra gore êndî pîyê Spears qayîtê mal û milk û domananê Brîtney keno.

2011 de Brîtney Spears ancîya (onca) bi xeberêda pozîtîfe vejîyaye meydan. Albuma xo ya newîye “Femme Fatale” 29 welatan de kot mabênê 10 kilamanê tewr populeran, DYA, Kanada û Awustralya de kî zaf serkewtîye bîye. No taw Spears dinya de turê xo ra dewam kena. (Resim: steven.ishiwara)

CEWAB BIDE

Keremê xo ra şîroveyê xo binuse
Keremê xo ra nameyê xo binuse