Şirnex de 30.000 kurdî semedê waştişê Kurdîstanê Xoserî ra meydan de bîy. Beşdaranê ê mîtîngî sloganê “Kurdîstano Xoser” eşt û qedexekerdişê wekîlanê BDP ê ke hepis der ê, protesto kerd.
Pêserameyîş de raver Nergîzê Botan û Erol Berxwedanî sahne de kilamê xo vatî. Tepîya wekîlê BDP, serekê beledîya û endamanê rêxistinanê sîvîlan qisey kerd.
Seba DTK Altan Tanî qisey kerd û vat, “Ma seba xoserîya xo şonîme. (…) Serekwezîrê Tirkîya bîyo xêx, TRT 6 ra vano ‘TRT şaş’. Her rey vano ke ‘na BDP çi wazena?’ Waştişê ma zaf eşkera û zelal ê. Kurdî cuya azad û bi onur wazenê. Seba naye kî ma adazîye wazenîme. Gerîllayê ma se vanê? ‘Bêrê welatêde demokratîk bivirazîme, komarêda demokratîke ronîme. Qanûno Bingeyî yo newe bivirazîme.’ No weçînitiş de înan se kerd? Nêverday ke wekîlê ma şêrê parlamento. Ma nika çitur îtîbarê xo bi înan bîyarîme? Nîya welatêde demokratîk nêvirazîno, qanûno bingeyî yo demokratîk nêvirazîno.”
