Keyepel Spor Boksero Kurd bî şampîyonê dinya

Boksero Kurd bî şampîyonê dinya

295
0

Boksero Kurdê Ezîdîyan Mişa Aloyan kîloyê 52 de paytextê Kazakîstan Almata de bî şampîyonê dinya. Mişa Aloyan ebê formayê Rûsya verba duştoxê xoyê ozbekî ebê puanê 29-28, 29-28, 28-29 serkote vejîya û na maçê fînalî qezenc kerd. Mişa Aloyan dimê 2011 nîya ancîya (onca) bî şampîyonê dinya yê boksî. 2011 de Aloyan şampîyonê dinya yê o waxt cayê xora kerd bî. Tarîxê boksî de reya verên a ke ju boksero Kirmanc di reye beno şampîyonê dinya.

Mişa Aloyan ebê hermeyê xoyê dergî, teknîkê biaqil û girmikê giranî uzwê boksero Ozbek rind vejîiya û di raundî ver de qedena. Esnaya maçî de tayê Kurdî û Rûsî boşt da Aloyan.

Mişa Aloyan 23 Tebaxe 1988 de qezayê Armenîstan Armavire de ame dînya. Serra 1997 de ebê famîlya yê xo bar kene sone şaristanê Rûsya Novokuznetsk. Mişa Aloyan karîyerê xoyê boks de serra 2009 de hunerê xo musna û bî hîreyînê dînya. 2010 de na reye şampîyonayê Ewropa de cayê yewîn girewt. Tepîya serra 2011 de bî şampîyonê dinya. Mişa Aloyan heyatê xo şaristanê Rûsya Nowosibirsk de rameno.

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

CEWAB BIDE

Please enter your comment!
Please enter your name here