Musnayîşê “Shanghai Motor Show”î de viraştoxê otomobîlan ê almanî BMW modelê xoyo neweyî X4 pêşkêşê heyrananê xo kerd. BMW X4 bi dergîya xo ya 4,6 metreyan birayê xo X6 ra tenêna qijkek o û serra 2014 de yeno vetene.

Tepîya ke X6 bi serkewtişêde girs amebî rotene, bitaybetî DYA û Asya de, BMW wazeno ke bi modelê neweyî û tenêna qijkekî nê sinifa otomobîlan ser o konsantre bo. Nameyê nê tewrê neweyî BMW nîya kerdo pa: “Sports Activity Coupés“.

Modelê newe bi formêde coupeyö sportîf 4,6 metre derg o, 1,6 metre hîra û 1,6 metre berz o. Vayîya modelê neweyî yê BMW dormeyê 50.000 Euroyî ya.

1 ŞÎROVE

  1. sıma yew hefte de yew xeber kena… u xeber ino esto?
    e her roc rupelê sıma ra ziyaret kena xeberen newe çinno…
    e itiraf kena no site siteyê xweşterinê xeberen zazaki ye…
    sılaw u rez sıma ra…

CEWAB BIDE

Keremê xo ra şîroveyê xo binuse
Keremê xo ra nameyê xo binuse