Konsero ke hetê grûba “Can Dostlar”î ra amebî organîzekerdene, roja 13.04.2019 edi salonê Berlîn – Werkstatt Der Kulturen de ca girewt.

Destpêkerdena programî de îdarekerdoxê koroyê Can Dostlarî, yanî şef Îmam Ozgulî bi kilmekî derheqê koroyî de qese kerd: “Xeylê waxt o ke ma bi koroyê Can Dostlarî pîya muzîk ser o xebetînîme. Koroyê ma raşta kî zaf rengin o, ma çend zonan (kirmanckî, kurmanckî û tirkî) de lawikanê xo vanîme. Ma wazenîme ke nê koroyî de giranîye bidîme zonê xo kirmanckî ser. Seke  UNESCOyî kî raporê xo de do kifşekerdene, zonê ma kirmanckî binê xeta vîndbîyayîşî der o. Coka ma kî nê koroyê xo de giranîye danîmê muzîkê kirmanckî”.

Bi beşdarbîyena xeyle însanan Can Dostlarî konserêde hewl da. Konser raşta kî hem hetê muzîkî ra, hem kî hetê zonî ra reng bi reng bî. No semed ra kî Înstîtutê Ziwan û Kulturê Kirmancî (ÎKK-Berlin) na xebata Can Doslarî ya hêcaye bi ju xelate onur kerd. Na xelate kî bi nameyê ÎKK-Berlînî Lerzan Jandîlî daye Pinar û Îmam Ozgulî.

Grûba Can Dostlarî konser de bi rêz her kesî lawikê xo vatî. Nînan ra ju kî Can bî. Can heşt serrî wo û koro de bi kirmanckî lawikan vano. Ancîya koro ra hunermenda hecaye Delale kî ju kilama dengbêjîye vate. Peynîye de bi kilama Şemamê miletî govende girewte, bi coş û şahîye, bi vengê tembur û sazî, bi vengê Bîrsen û Pinare konser qedîya.

Konserî ra çend dîmenî (resimî: Melînda Ozgul, Wusênê Gestemerde):

Wusênê Gestemerde/DÎ

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

1 ŞÎROVE

  1. Edîtorê Dêrsim Infoyî re,

    Resimî: Melînda Ozgul û Wusênê Gestemerde

    Nika ra zaf sipas!

Comments are closed.