Hukmatê Belçîka do paytextê Herêma Federal a Kurdîstanî Hewlêr de yew konsolos rabikero. Yewna sersefirîye Bexdad de bena ra.

Temsîlkarê hukmatê Herêma Kurdîstanî yê Yewîya Ewropa Dilawar Azgayî ra gore heyetê kurdan wezîrê karanê teberî yê Belçîka de ame têlewe ke a mesele ser o qisey bikerê. Hukmatê Belçîka da zanayene ke wazeno têkilîya xo ya dîplomatîk û ekonomîke bi Kurdîstanê Başûrî bîyaro raver.

Boyna, Azgayî va ke Herême hukmatê Belçîka ra destekê tibî seba pêşmergeyanê dirbetinan waşt. Heta ewro 25 welatan Herêma Federal a Kurdîstanî de konsolosî kerdî ra.