Wezaretê Weşî yê Herêma Federal a Kurdîstanî şerto newe seba doktor û personelanê weşîye ke wazenê Herême de bigureyê, na ro. Qerarê wezaretî ra gore gerek doktor û personelê erebî seba karê xo kurdkî bimusê.

Tena Hewlêr de 101 doktor û personelê weşî yê erebî estê. Seba înanê ke kurdkî nêzanenê û seba ke nêweşan xelet tedawî nêkerê, nika kursê mecburî yê kurdkî benê ra. Bi telîmatê Wezaretê Weşîye ra, kursî hetê sendîkaya weşîye benê ra û tey doktorê erebî kurdkî musenê.

Ame vatene ke doktoranê ereban ra dime kî seba doktoranê tirk û farisan kî kursê kurdkî do rabibê.

1 ŞÎROVE

  1. Erey bo zî biryarêko baş o! Tebîî yo ke kamo ke KURDÎSTAN de şuxulîyeno ganî ziwanê KURDKÎ zî bimuso! Kurdîstan de KURDKÎ qisey bena, ne erebkî ne tirkî ne zî fariskî

Comments are closed.