çend serrî yo tarî û zulmat a
asin tiramî de amebî peşayîş
welatê xo ra kerdîme koçber
fetilnayîş bî newalan ra
merdiş bî çi?

merdimîye kotî menda?
ma bêbextîye?
xo ser azad û serbestîye
koyan ser ra  mende
û gerîlla azad
bêşemal mend asin, çîyayî tiramî de
erd berba
gaz û çîyay berbayî
firat û dîcle berbayişîmîyan de mendî

raywanî bedilînê
le raywanîye berdewam a
ez kobane serde şîya
firat neherekîyêne
limêne, xulêne, çerx fistêne ra xo vatê:
“ez se caverdî û şorî nê welatî”
yew îxanet mard, nê çî rê

ez avrêyhan a
o  hepis verêdayîş
destê ey hermê mi ser o, meydanê newroze de
ebe hêsêde giran qirînêda berze:
“ebas yeno” vat

şarî o pawit herman ser
mi ebe domanîya xo gonî dîye
sey şilîye varay qêrqeşunî
panzerî amay ma ser
kulik mîyan de sere
panzere pelexnay honde canî
kol û baskî pijiknay
şarê ma qir kerd
velikane ebasî ra gonî şeredîye
avrêyhan bê pî
avsîya bê maye mende
bîşenge kilamanê dengbêjan de bî haylêmin
dewa xeza de gogerçînê mi keye de mendî
hêş û aqil mi sere ra şî
kîşta madenî tirr ra xo b’erzî
na dinya bitereknî

asin tiramî de
terazîyê edaletî gerîlla wo
pîyê mi caşa de kewto şer, bî birîndar
ayhan îşkence de çimê xo kerd vîndî
koyê haskîrî şahîd o
ebe tum-tapanê xo
bêzar mend bêziwan eşkencekerdoxan dest de
tapê haskîrî se teraş û tirr ê
bêziwan bî estare û şeqêtîya tir ra
rêşt dewa çorsane
bî şaş eşkencekerdoxî
zulmkarî û zordestî
se nêmerd!

ya…

asin tiramîya adirî de pêşo
loqmê xizirî û zîyar û dîyaran bîbî qida qalxan
bêziwan ebe têkoşerîya xo
şerwane serê koyan o.

PARE BIKE
Mehmet Seyîtalîoglu
Mehmet Seyîtalîoglu serra 1953 de Gimgim de ameyo dinya. Perwerdeyê malimîye serra 1974 Amed de qedêna. Nika Mersîn de maneno.

CEWAB BIDE

Please enter your comment!
Please enter your name here