Keyepel Ekonomî Apple ra karê mîlyaran

Apple ra karê mîlyaran

145
0
Resim: John Loo

Şirketê Amerîka Apple bi produktanê xo iPhone û iPad ra na çêregserre de bi mîlyaran Dollarî kar kerd. Fîrmaya teknolojî ya Kalîfornya rekorê xo şikna û 7,3 mîlyarî Dollarî vetî. Par ra gore Apple karê xo kerd diqat.

Neşrkerdişê na xebere ra tepîya îndeksê senedanê Apple bîyo berza berz û desinde markaya 400 Dollaran vîyart. Kursê aksîyonanê Apple panc (ponc) serrî raver 50 Dollarî bî. Yanî, mabênê panc (ponc) serran de erja askîyonanê Apple bîye heştqat.

Apple ke nîya raver şêro, nêzdî de markayanê tewr erjayan ê dinya ra bena juye (yewe). No taw şirketê petrolî Exxon Mobîl bi erja xo ya 410 mîlyarî Dollarî virênî der o. Apple reşt 337 mîlyarî Dollarî. Labelê tayê analîstanê borsa ra gore askîyonê Apple nêzdî de 500 Dollarî vêrenê ra.

Her çî ra raver rotişê komputura destan iPad û telefonê destan iPohne zaf rind şono. Nê produktî bitaybetî Çîn û DYA de rind yenê rotene. Aşma êlule de neslo newe yê iPhone û iPad vejîno pîyase.

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.