Kaybaza namdare û temsîlkara taybetî ya Miletanê Yewbîyayeyan (MY), Angelîna Jolîe, ameye Kurdîstan ke kampanê multecîyan zîyaret bikero.

Jolîe bêhaydarî şanê roja şeme de resaye Herêma Federal a Kurdîstanî, ewro Dihok de yew kamp zîyaret kerd. Kamp de bitaybetî xeylê êzîdîyî estê. Dima, Jolîe çapemenîye rê qisey kerd.

Herêma Kurdîstanî de nika dorê 1,6 mîlyonî multecîyî ciwîyenê ke wehşetê çeteyanê terorîstan ê “Dewleta Îslamî” Îraq, Sûrîye yan Kurdîstanê Rojawanî ra remayî.

No zîyareto dîyin ê Jolîe yo ke êlula 2012 de Hewlêr de yew kamp zîyaret kerdbî û serekwezîr Neçîrvan Barzanî de amebîye têlewe. Goreyê Komîserîya Berz a Multecîyan a Miletanê Yewbîyayeyan (UNHCR) ra, Jolîe heta ewro dinya de 40 cayî nameyê MY de zîyaret kerd.

CEWAB BIDE

Keremê xo ra şîroveyê xo binuse
Keremê xo ra nameyê xo binuse