Xeberanê par û pêrarî ra gore ekonomîya DYA daîma krîz de bîye. Ha krîzê ekonomî, krîzê fînansî, krîzê bêkarîye, krîzê super-xirtîya dinya… Labelê heto bîn ra welatê amerîkayijan qewetê înovasyonanê xo ra qet çî vîndî nêkeno.

Verê, DYA xo bi şirketanê jê (sey) Coca Cola, Pepsi, Lewis, Lee, dima kî McDonalds, Kentucky, Burger King ra pêro welatanê na dinya de musna. Serranê seserra 21. de Amerîka konseptê xo rind vurna û bi xeylê fikranê neweyan teknolojîya tezîye arde meydan. Tepîya fîrmayanê komputuran jê (sey) IBM, Microsoft û Oracle rayberîya “ekonomîya newîye” girewte. Badê Yahoo ame, badêna Google, Ebay, Amazon, Facebook ûêb. Erja pêro nê fîrmayan nika bi mîlyaran a.

Nînan ra Google wayîre 90% yê pîyaseya motoranê cigêrayîşî yê Înternetî yo. Di wendekarê unîversîte pê fikrêde basît ju (yew) garaj de niştîbî ro û Google ard demo nikayin. Juna (yew) şirket ke seba qewetê xo yê înovasyonan meşhur o, Amerîka ra yeno: Apple. Raver ra na fîrma bê ke zêde serkewte bo, komputerî rotîbî. Nika bi dîzayno xoyo rindek û modern, xebitîyayîşo asan û pratîk û trendo xoyo gênc produktê Apple zaf bîyê populer. Bi telefonanê destan (iPhone), komputeran (iMAC), komputeranê portatîfan (iMac) û komputeranê tabletî (iPad) Apple resena meyl û waştişê her muşterî.

Nimûneyo bîn ê înovasyonî Facebook o. Reyna raver ra tena wendekarêde unîversîte fikrê portalê cematî Facebook ard dinya. Fikro bingeyên no bî ke wendekaran besebikerdêne no platform ser o bi hevalanê xo pîya derse bigurîyê, qisey bikerê ûsn. Des serran ra tepîya nêm mîlyarî kesî endamê Facebookî yê. Bi mobîlîzasyono çîp ê Înternetî na hûmare hîna bena berze.

Yanî, markayê neweyî yê Amerîka nêqedînê. Pêro pîya jê (sey) fikro basît dest kerdîbî ci, nika virênîya ekonomîya dinya de cayê xo cênê. Senî ke şîyene bi gamê dest kena ci, no trend ra DYA zaf qezencêde girs keno. Peynîya fikranê neweyan û aye ra qewetê înovasyonan, hîna nêasena.

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

CEWAB BIDE

Please enter your comment!
Please enter your name here